YouTube iOS-da we Android-de nobatlaryň ulgamyny synagdan geçirmäge başlady. Bu funksiýa brauzeriň üsti bilen wideohosting ulanylanda eýýäm elýeter boldy we kesgitli ýagdaýlarda Chromecast-yň ulanyjylary üçin goşundyda peýda bolýar.
Funksiýany işe girizenden soň üç dik nokatly menýunyň aşagynda size täze «Nobat boýunça iň soňunda aýtdyrmaly» diýen düwme elýeter bolar. Ony basmak bilen siz wideony nobatyň soňuna goşarsyňyz ýa-da, eger şol wagt siz wideo görmeýän bolsaňyz, täze nobat döredersiňiz. Görüp oturan wideoňyz gutaran badyna goşundy nobatdaky indiki wideony görkezmäge başlar we nobat gutarýança şeýle gider. Şeýle-de siz wideonyň nobatyny çalşyp ýa-da ony aýryp bilersiňiz.
Eger siz goşundydan doly çykmak ýa-da aşakky paneldäki «x» düwmäni basmak bilen pleýeri ýapsaňyz, siziň nobatyňyz aýrylar.
Synag 28-nji ýanwara çenli geçer.
