Eýranyň futbol boýunça ýygyndysynyň ýyldyzy, Portugaliýanyň «Portu» toparynyň taryhynda iň oňat bombardirleriň sanawyna düşdi.
Portugaliýanyň OJOGO portalynyň habar berşi ýaly, Mehdi Taremi «Portu» futbol klubunyň iň oňat bombardirleriniň reýtinginde simwolik rekord gazandy diýip, IRNA salgylanýan Trend ýazýar.
Katarda geçen Futbol boýunça dünýä çempionatyndan dolanyp gelen Taremi Wizeliň topary bilen bolan oýunda gol saldy. Liganyň Kubogynyň toparlar arasyndaky tapgyrynyň soňky turynda eýranly hüjümçi Žil Wisentiň garşysyna oýnalan oýunda ýene-de hasaby açdy. Şeýlelikde, ol «Portu» futbol klubynyň taryhynda iň gowy bombardirleriň arasynda 25-nji ýeri eýeledi.
Eýranly futbolçy Jalmudan we Lisandrodan öňe geçip, klub üçin oýnalan 118 oýundan soň, Tikinýo Soareşiň 64 goly bilen deňleşdi. Ýagny onuň her oýun üçin ortaça 0,54 goly bar.
