FIFA-nyň Prezidenti Janni Infantino 2025-nji ýyldan başlap klublar arasy dünýä çempionatynyň formatynyň üýtgejekdigini mälim etdi.
"Erkekleriň täze klublar arasy dünýä çempionaty 2025-nji ýylda geçer, turnire 32 topar gatnaşar. Biz bu ýaryşy dünýä çempionatyna meňzetjek bolýarys" - diýip, Infantino guramanyň metbugat konferensiýasynda nygtady.
Klublar arasy dünýä çempionatynyň häzirki formaty bary-ýogy alty toparyň gatnaşmagyny göz öňünde tutýar: yklymara turnirleriň bäş sany ýeňijisini we çempionata hojaýynlyk edýän ýurda wekilçilik edýän kluby.
Şeýle-de, FIFA "Dünýä seriýasy" ady bilen ýoldaşlyk turniriniň döredilendigini yglan etdi. Onda dürli futbol federasiýalaryndan dört topar çykyş eder. Ondan hem başga, FIFA-nyň prezidenti zenanlaryň klublar arasy dünýä çempionatynyň döredilendigini hem mälim etdi.
