Braziliýanyň ýokary saýlaw kazyýeti (TSE, MST-nyň işi ýerine ýetirýär) duşenbe güni ýurduň saýlanan prezidenti Luis Inasiu Lula da Silwa ýurduň geljekki baştutanynyň ygtyýarlyklaryny kepillendirýän diplomy gowşurdy.
Dabara edaranyň TV Justica telekanalynyň ýaýlymynda alnyp görkezildi.
Sosialistleriň baştutany we onuň bilen bile saýlanan wise-prezident Žerald Alkmin TSE-niň ýolbaşçysy Aleşandri di Moraýsyň elinden resminamany aldylar. Dokumentler gowşurylmazyndan öň di Moraýs 2023-nji ýylyň 1-nji ýanwarynda Milli kongresiň (parlamentiň) öňünde prezident we wise-prezident hökmünde syýasatçylara kasam kabul etmäge hukuk berýän diplomlaryň tekstlerini dabaraly ýagdaýda okady.
Lula da Silwa resminamany alandan soň dabaranyň myhmanlarynyň öňünde çykyş etmek bilen diplomy "demokratiýa bolan hukugyny göreşip gazanan halkyň ýeňşiniň" ykrarnamasy diýip atlandyrdy.
"Bu biziň diplomymyz" - diýip ol aýtdy. Syýasatçy ýokary bilim hakynda diplom alman galandygyny, munuň üçin telim gezek syýasy garşydaşlarynyň tankydyna sezewar bolandygyny ýatlap, özünden biraz nägiledigini ýaňzytdy.
