Dubaýyň Halkara howa menzili “Aviation Business Awards 2022” bäsleşiginiň jemi boýunça ýylyň howa menzili diýlip ykrar edildi. Bu barada dabaranyň guramaçysyna salgylanyp, Al Arabiya teleýaýlymy habar berýär. Muny TASS ýetirýär.
Bu at geçip barýan ýylda Dubaýyň howa derwezeleri tarapyndan görkezilen “deňi-taýy bolmadyk iş üstünlikleri” üçin berildi. Teleýaýlymyň maglumatlaryna görä, 2022-nji ýylyň birinji ýarymynda howa menziliniň hyzmatlaryndan 28 mln ýolagçy peýdalandy, bu bolsa 2021-nji ýylyň degişli döwrüne garanyňda üç esse köpdür. Howa menzili hödürlenýän hyzmatlaryň hilini ýokarlandyrmak bilen, ýolagçylarda uly täsir galdyrdy diýip, Al Arabiya belleýär.
Dubaýyň howa menzili bu baýragy bassyr sekizinji ýyl alýar.
Aviation Business Awards bäsleşigi “Aviation Business Middle East” žurnaly tarapyndan 2007-nji ýyldan bäri geçirilýär. Baýraklar 13 nominasiýada berilýär.
