SpaceX amerikan kompaniýasynyň kosmiki syýahatçysy hökmünde 2023-nji ýylda Aýa uçmakçy bolýan ýapon milliarderi Ýusaku Maedzawa anna güni öz toparynyň düzümini yglan etdi. Sanawy ol öz saýtynda goýdy. Oňa ýedi adam, şol sanda ýapon gelip çykyşly amerikan dijeýi Stiw Aoki we günorta koreýaly meşhur ýerine ýetiriji TOP ("Top", hakyky ady ÇHwe Syn Hýon) girdi. Şeýle-de ekipažyň düzümine Çehiýanyň, Irlandiýanyň, Beýik Britaniýanyň we Hindistanyň wekilleri goşuldy. Toparyň ätiýaçdaky agzalarynyň arasynda ýapon tansçy zenany Miýu hem bar.
"Men bu üýtgeşik adamlaryň Aýa syýahatyma goşulanyna begenýärin. Kosmosda wagtymyz olaryň kellesine nähili ruhlandyryjy pikirleriň geljegini bilmäge howlugýaryn" - diýip, Maedzawa ýazýar.
46 ýaşly Maedzawa 2018-nji ýylda SpaceX-iň birinji kosmiki syýahatçysy edilip saýlandy. Ýaponiýaly milliarder Aýa uçuryljak gämidäki ähli ýerleri özi satyn aldy. Uçuşa, Maedzawy we onuň saýlan adamlaryny öz içine almak bilen, jemi 10-12 adam ugrar. Geçen ýylyň dekabrynda işewür Halkara kosmos stansiýasynda boldy, ony ol ýere Russiýanyň "Soýuz MS-20" pilotirlenýän arş gämisi äkitdi.
Forbes žurnalynyň berýän bahasyna görä, ýaponiýaly işewüriň baýlygy 3 mlrd dollardyr.
