Niderlandlar Katardaky dünýä çempionatyndan gaýdandan soň, Lui wan Gal milli ýygyndynyň baş tälimçisi wezipesinden aýryldy. Bu barada ol topar turniriň çärýek finalynda ýeňlişe sezewar bolandan soň, žurnalistlere mälim etdi.
Şenbä geçilen gije Niderlandlaryň topary penalti seriýasynda Argentinanyň ýygyndysyndan utuldy.
"Men Niderlandlaryň ýygyndysynda baş tälimçi bolup işlemegimi dowam etdirmekçi däl, bu hakykatdanam meniň iň soňky oýnum boldy, meniň milli topardaky üçünji möhletim tamamlandy. Soňky gezegimde topar 20 oýunda çykyş etdi, ýekesinde-de bir gezegem (esasy wagtda) utulmandy" - diýip, Lui wan Gal gürrüň berdi.
Hünärmen Niderlandlaryň ýygyndysyna üçünji gezek geçen ýylyň awgustynda ýolbaşçy bolupdy. "Men öz toparyma buýsanýaryn, oglanlar güýjünde baryny etdiler. Biziň utulyşsyz ajaýyp seriýamyz bar, urlan we goýberilen toplaryň aratapawudy örän oňat. Wagtymyz gaty gowy geçdi, häzir şeýdip çykyp gitmegimiz örän agyr degýär" - diýip, 71 ýaşly tälimçi belledi.
