Birleşen Arap Emirlikleriniň prezidenti Muhammed ben Zaid Al Nahaýýanyň maşgalasy dünýäde iň baý maşgala diýip ykrar edildi. Maşgalanyň baýlygy 300 milliard dollar diýip bahalandyrylýar diýip, Beýik Britaniýanyň The Times neşiri ýazýar.
Al Nahaýýanlaryň baýlygynyň esasynda energiýa serişdelerinden girýän girdeji, şeýle hem sowatly maýa goýum syýasaty - gozgalmaýan emläk bazaryna we dürli kompaniýalara serişde goýmak durýar.
Hususanam, abu-dabili maşgala Royal Group kompaniýasy degişlidir. Onda 27 müňden gowrak adam işleýär, olar dürli ugurlarda zähmet çekýärler. Mundan hem başga, Angliýanyň "Mançester Siti" futbol klubunda, SpaceX amerikan kompaniýasynda, şeýle hem Savage x Fenty modalar öýünde hem maşgalanyň paýy bardyr.
Sanawda ikinji ýeri Uoltonyň amerikan maşgalasy eýeledi. Olaryň Walmart dükanlar tory bar (224,5 milliard dollar). Soňra sanawda adybir süýji-köke kompaniýasyny esaslandyryjylar bolan Marsyň maşgalasy (160 milliard dollar), Koch Industries senagat konglomeratynyň dolandyryjysy bolan Kohuň maşgalasy (128,8 milliard dollar), şeýle hem Saud Arabystanynyň patyşa maşgalasy (105 milliard dollar) gelýär.
