Apple 2025-nji ýylda çykmagyna garaşylýan 20 dýumlyk eplenýän noutbuklary işläp taýýarlamaga girişdi. Bu barada The Elec portaly habar berýär.
20,5 dýumlyk çeýe displeýli eplenýän MacBook-yň taslamasy işläp taýýarlaýyşyň irki tapgyrynda diýip bellenýär.
Şeýle-de, çeşmäniň habar bermegine görä, Apple 2024-nji ýylda OLED ekranly ilkinji iPad-i goýbermegi meýilleşdirýär, 2025-nji ýylda bolsa eplenýän gurluşyň ykjam iPad mini planşediniň alternatiwasy hökmünde tanyşdyrylmagy mümkin.
Häzirki wagtda bazarda çeýe displeýli birnäçe model görkezildi. Şeýlelik bilen, 2020-nji ýylda Lenovo X1 Fold-y goýberipdi we ol eplenýän ekranly birinji noutbuk bolupdy. Soňra 2022-nji ýylda sökülen görnüşdäki 16,3 dýumlyk ekrany we noutbuk hökmünde ulanylýan 12 dýumlyk displeýi teklip edýän täzelenen model görkezildi. Şuňa meňzeş gurluşlary Asus kompaniýasy hem çykarýar.
