Huawei kompaniýasy simsiz nauşniklere zarýad bermek we saklamak üçin daşlyk hökmünde çykyş edýän Huawei Watch Buds smart sagatlaryny çykarmaga taýýarlanýar. Bu barada Gizmodo portalyna salgylanyp, gazeta.ru habar berýär.
Täze gurluşyň ýokarky gapajygy açylýar we onuň içinde-de ýörite çuňluklarda ýerleşdirilen nauşnikler saklanýar. Daşky görnüşi boýunça sagatlar Huawei Watch 3 modelini ýada salýar, ýöne reliz barada başga hiç hili maglumat ýok. Nauşnikler barada aýdylanda, olar kompaniýanyň öň çykaran hiç bir modeline meňzemeýär.
Kompaniýanyň täze gajetleriniň tanyşdyrylyş dabarasynyň 2-nji dekabrda bolmagyna garaşylypdy, ýöne ol näbelli möhlet bilen yza süýşürildi. Muňa garamazdan, anonsyň öňki anyk senesini göz öňünde tutup, Huawei Watch Buds sagatlarynyň dükanlara çykmaga doly derejede taýýardygyny bellemek bolar.
