Britaniýaly Taýson Fýuri watandaşy Derek Çisorany ýeňip, Bütindünýä Boks geňeşiniň (WBC) wersiýasyna görä agyr agramda dünýä çempiony titulyny gorady. Bu barada RIA Nowosti habar berýär.
Londonyň “Tottenhem Hotspur” stadionynda geçirilen söweş Fýuriniň 10-njy raundda tehniki nokaut arkaly ýeňmegi bilen tamamlandy.
Öň boksçylar iki gezek duşuşdylar we iki söweşde-de Fýuri üstün çykdy (2011-nji ýylda emin agzalarynyň biragyzdan karar bermegi bilen, 2014-nji ýylda Çisora söweşi dowam etdirmekden boýun gaçyrdy).
Fýuri 34 ýaşynda, ol professional ringde ýeňilmek diýlen zady bilmeýär (33 ýeňiş we bir deňme-deňlik). Çisora 38 ýaşynda, onuň hasabynda 33 ýeňiş we 13 ýeňliş bar.
