3-nji dekabrda Katar Döwletiniň Emiri Şeýh Tamim bin Hamad Al Taniniň çagyrmagy boýunça Katara sapar bilen baran Prezident Serdar Berdimuhamedow Dohada geçirilýän futbol boýunça dünýä çempionatynyň oýunlarynyň biriniň hormatly myhmany boldy.
Hususan-da, Türkmenistanyň Prezidenti Halifa stadionynda şol wagt dowam edýän dünýä çempionatynyň 1/8 final oýnunda çykyş edýän Niderlandlaryň we ABŞ-nyň ýygyndy toparlarynyň duşuşygyna tomaşa etdi.
Belläp geçsek, şol duşuşykda Niderlandlar ABŞ-ny 3:1 hasabynda ýeňdiler.
Prezident Serdar Berdimuhamedow futbol oýnuna tomaşa etmegini tamamlandan soň, «Halifa» stadionyndan çykyp, Doha şäheriniň Halkara howa menziline bardy we şol ýerden Watanymyza ugrady.
