Fransiýalylaryň adaty çörek batony bolan baget ÝUNESKO-nyň hökümetara komitetiniň mejlisinde adamzadyň maddy däl medeni mirasynyň sanawynda hasaba alyndy. Bu barada Interfax.ru habar berýär.
Ilkibaşda sanawy doldurmak üçin üç dalaşgär göz öňünde tutuldy. Olaryň arasynda Parižiň üçekleri, Burgundiýadaky Arbua kommunasynda çakyr önümçiliginiň baýramçylygy we baget bar.
Heniz 2018-nji ýylda Fransiýanyň prezidenti Emmanýuel Makron bageti maddy däl mirasyň sanawyna girizmegi teklip etdi. “Baget – fransiýalylaryň gündelik durmuşy, çörek – aýratyn bir taryh, bu fransiýalylaryň her gün irdeni, günortany we agşamy. Oňa tutuş dünýäniň gözi gidýär” – diýip, ol belläpdi.
ÝUNESKO-nyň maddy däl medeni mirasynyň obýektleriniň sanawyna Hytaýyň däp bolan çaý öndüriş we taýýarlaýyş tehnikasy hem girizildi.
Guramanyň saýtynda munuň çaý plantasiýalaryny dolandyrmak, çaý ýapraklaryny ýygnamak, olary elde işlemek, şeýle-de çaý içmek we bilelikde içmek bilen baglanyşykly bilimleriň, başarnyklaryň we tejribeleriň ykrar edilmegini aňladýandygy nygtalýar.
