Britaniýaly Ross Braun “Formula-1-iň” sport müdiri wezipesinden gidýändigini habar berdi. Bu barada rsport.ria.ru belleýär.
“Maňa soňky ýyllarda eden zatlarymyň ählisi ýaraýardy. Meniň toparyň bir bölegi bolmak islegim ýitdi, men indi boldy diýen netijä geldim. Mende şeýle mümkinçiligiň bolandygy hem bagtdan bir nyşan. Indi işden gitmegiň wagty geldi” – diýip, Braun “Formula-1-iň” resmi saýtynda ýazýar.
“Biz köp işleri bitirdik. 2026-njy ýylda täze bolidler peýda bolar, ýöne dört ýyl diýseň uzak. Şonuň üçin işe täze bir adamlar topary başlasa has gowy bolar. Men “Formula-1-den” gowy pursatda gidýärin diýip hasaplaýaryn. Indi “Formula-1-e” janköýer hökmünde diwanda oturyp tomaşa ederin” – diýip, 68 ýaşly hünärmen sözüniň üstüni ýetirýär.
Braun 2017-nji ýyldan bäri “Formula-1-iň” sport müdiri wezipesini eýeleýärdi. Mundan öň ol “Benetton”, “Ferrari” toparlarynda tehniki müdir bolup işledi, “Braun”, we “Mersedes” toparlarynyň ýolbaşçysy boldy.
