Anýelli işinden gidenden soň, Ferrero “Ýuwentusyň” prezidenti belleniler

  • 30.11.2022 17:59
  • 6.6k+

Janluka Ferrero Italiýanyň “Ýuwentus” klubunyň prezident wezipesine belleniler diýlip, “býankonerleriň” öňki prezidenti Andrea Anýelliniň maşgalasynyň futbol klubuna gözegçilik edýän Exor holding kompaniýasynyň resmi saýtynda habar berilýär. Bu barada rsport.ria.ru belleýär.

Duşenbe güni “Ýuwentus” toparyň müdirler geňeşiniň işinden çekilýändigi barada mälim etdi. Ýagny, Anýelli, wise-prezident Pawel Nedwed we baş ýerine ýetiriji müdir Maurisio Arriwabene öz wezipelerini terk etdiler. Anýelli 2010-njy ýyldan bäri “Ýuwentusyň” prezident wezipesini eýeleýärdi. Nedwed 2015-nji ýylda klubyň wise-prezidenti boldy.

“Ýuwentus” futbol klubunyň müdirler geňeşi tarapyndan düýn kabul edilen çözgütlere salgylanyp we 2023-nji ýylyň 18-nji ýanwaryna bellenilen paýdarlar ýygnagynyň öňüsyrasynda Exor Janluka Ferrerony “Ýuwentusyň” prezidenti wezipesine bellejekdigini habar berýär. Ferreronyň baý tejribesi we zerur bilimleri, şeýle-de “Ýuwentus” klubuna çynlakaý höwesi bar, bu hem ony bu wezipä mynasyp dalaşgär edýär. Exor müdirler geňeşiniň düzümine dalaşgärleriň doly sanawyny kanun tarapyndan bellenilen möhletde, ýagny 2023-nji ýylyň 18-nji ýanwarynda geçiriljek mejlisden 25 gün öň mälim eder” – diýlip, habarda aýdylýar.


düýn 21:35
2.4k+

Mundo Deportivo: "Barselona" transfer maksatlaryny kesgitledi: gysga sanawda — Keýn, Holland we Alwares

"Barselona" tomusky transfer penjiresi üçin ileri tutulýan oýunçylaryň sanawyny düzdi diýip, Mundo Deportivo habar berýär. Neşiriň maglumatyna görä, toparyň baş tälimçisi Hans-Diter Flik sport direktory Deku we sport komitetiniň beýleki agzalary bilen bilelikde güýçlendirmek üçin esasy pozisiýalary – çep aýakly merkezi goragçyny, wingeri (ganat hüjümçini) we merkezi hüjümçini kesgitlediler...

düýn 18:52
2.8k+

“Inter Maýami” Messi bilen MLS Kubogynyň finalyna çykdy we birnäçe rekord goýdy

30-njy noýabrda irden (Aşgabat wagty bilen) “Inter Maýami” MLS Kubogynyň pleý-offunyň ýarym finalynda “Nýu-Ýork Sitini” uly hasap bilen utdy. Fort-Loderdeýldäki oýun 5:1 hasabynda tamamlandy. Bu oýun şol bir wagtyň özünde MLS-iň Gündogar konferensiýasy 2025-iň finaly boldy...

29.11.2025 19:46
4.7k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

29.11.2025 09:22
8.7k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...