"Bawariýa” futbol boýunça Germaniýanyň Superkubogy ugrundaky oýunda “Ştutgarty” 2:1 hasabynda utup, kubogyň eýesi boldy. Duşuşyk Ştutgartda geçirildi.
Ýeňijileriň düzüminde Garri Keýn (18-nji minut) we Luis Dias (77) gol geçirdi. Garşydaş topardan öz hasabyna goly Jeými Leweling ýazdy (90+4).
“Bawariýa” geçen möwsüm Germaniýanyň çempiony boldy, “Ştutgart” bolsa ýurduň Kubogyny utupdy.
Mýunhen kluby Superkubok üçin oýna 18-nji gezek gatnaşyp, 11-nji gezek ýeňiş gazandy. Bu rekorddyr.
“Ştutgart” kubok üçin üçünji gezek göreşdi, onuň hasabynda 1992-nji ýylda bir ýeňiş bar. Geçen ýyl ol “Baýerden” penaltide utuldy.
Germaniýanyň Superkubogy 2025/2026 möwsüminden başlap, germaniýaly futbolçy we tälimçi, iki gezek “Altyn topuň” eýesi Frans Bekkenbaueriň adyny göterer. Beýik futbolçy 2024-nji ýylda 78 ýaşynda aradan çykdy.
