PipeChina West Pipeline kompaniýasynyň habar bermegine görä, 2022-nji ýylyň başyndan bäri Türkmenistan — Hytaý gaz geçirijisi boýunça Hytaýa 40 milliard kub metrden gowrak türkmen tebigy gazy eksport edildi.
Bellenilişi ýaly, geçen döwürde turbageçiriji günde ortaça 120 million kub metr tebigy gazyny eksporta iberipdir.
Türkmenistan — Hytaý gaz geçirijisiniň işe girizilenine 4730 gün bolup, şol günden bäri durnukly we howpsuz ýagdaýda işini dowam etdirýär. Hytaýyň 27 welaýatynda 500 milliondan gowrak halky hut şu tebigy gazdan peýdalanýar.
Öň, TmCars.info türkmen gazynyň HHR-e ibermeleriniň baha möçberi 2022-nji ýylyň ýanwar-oktýabr aýlarynda 8,23 mlrd dollara deň bolandygyny habar beripdi.
