Braziliýanyň milli ýygyndysynyň hüjümçisi Neýmar futbol boýunça dünýä çempionatynyň toparlaýyn tapgyrynyň birinji duşuşygynda Serbiýa garşy oýunda topugyndan şikes aldy. Bu barada Braziliýanyň ýygyndysynyň lukmany Rodrigo Lesmar habar berdi. Onuň sözlerini Globo Esporte brazil portaly getirýär.
Duşuşyk braziliýaly futbolçylaryň 2:0 ýeňşi bilen tamamlandy. Neýmar 79-njy minutda çalşyryldy.
«Neýmaryň sag topugy şikeslendi. Çiş emele geldi, biz ony ätiýaçdaky oýunçylaryň oturgyjyndaka bejerip başladyk. Indi, has anyk netije almak üçin 24-48 sagat garaşmaly» — diýip Lesmar aýtdy.
Neýmar 30 ýaşynda, milli ýygyndynyň düzüminde ol 121 oýunda 75 gol geçirdi.
Braziliýa indiki oýnuny 28-nji noýabrda Şweýsariýa garşy geçirer.
