Germaniýanyň milli ýygyndysynyň futbolçylary Katardaky dünýä çempionatynyň toparlaýyn tapgyrynyň birinji duşuşygynda Ýaponiýadan 1:2 hasapda ýeňildiler.
Dohada geçirilen duşuşygyň 33-nji minudynda Ilkaý Gündogan 11 metrlik jerime urgusyny gazanyň, Germaniýany öňe çykardy. 75-nji minutda ýaponiýaly Risu Doan hasaby deňledi, 83-nji minutda bolsa Takuma Asano nemesleriň derwezesine ikinji pökgini girizdi.
Germaniýa E topada çykyş edýär. Bu toparda Ispaniýa bilen Kosta-Rika hem bar. Öz gezeginde, Ispaniýa 7:0 hasabynda Kosta-Rikadan üstün çykdy. Indiki duşuşykda Germaniýa Ispaniýa bilen, Ýaponiýa bolsa, Kosta-Rika bilen duşuşar. Eger-de, ýaponiýalylar üstün çykyp, Germaniýa hem Ispaniýadan ýeňiläýse, onda nemesleriň dünýä çempionatyndaky çykyşy üçünji oýnuň netijelerine garamazdan tamamlanyp biler.
