Partiýasyz dalaşgär, aklawçy Nataşa Pirs-Musar Sloweniýanyň prezident saýlawlarynyň ikinji tapgyrynda býulletenler 100% işlenenden soň ýeňiş gazandy. Bu barada Döwlet saýlaw komissiýasynyň saýtynda habar berilýär diýip, TASS belleýär.
Komissiýanyň maglumatlaryna görä, Pirs-Musar 53,89% ses aldy. Sloweniýa Respublikasynyň DIM-niň öňki başlygy, Sloweniýanyň Demokratik partiýasyndan deputat Anže Logar üçin saýlawçylaryň 46,11%-i ses berdi. Umuman alanyňda, saýlawlaryň ikinji tapgyryna respublikanyň 908 138 raýaty gatnaşdy, bu ses bermäge hukugy bolan ähli sloweniýalylaryň 53,60%-ini emele getirýär.
Saýlanan prezident şu ýylyň 23-nji dekabrynda wezipesine girişer, şonda häzirki döwlet baştutany Borut Pahoryň hem ygtyýarlyk möhleti tamamlanar. Ol bu wezipede iki ýyl boldy we respublikanyň Konstitusiýasyna laýyklykda üçünji gezek dalaş edip bilmez.
