Ýaponiýanyň Garrylar öýi özboluşly işgärleri — üç ýaşa çenli çagalary işe alýar diýip, «MIR 14» habar berýär.
Öz hossarlygyndakylara edilen gözegçiliklerden soň bu edaranyň ýolbaşçylarynda şeýle täsin pikir döredi. Körpejeleri gören garrylaryň sözüň doly manysynda gül açýandygyny görenlerinde olar çagalar üçin iş orunlaryny açmagy makul tapdylar. Şondan bäri garrylaryň ýüzünde ýygy-ýygydan ýylgyryşy we gözlerinde mähirden döreýän gözýaşlary görmek bolýar. Täsin işgärleriň özleriniň hem aýratyn gadry bilinýär — olara arlyklar we süýt görnüşinde aýlyk haky tölenýär.
«Körpeje işgärlerimiziň iş güni kadalaşdyrylmadyk. Olar işe keýpi çag wagtlary ýa-da ejeleriniň eliniň degen wagty gelip bilýärler. Körpeler üçin aňrybaş şertler döredilen. Garbanar ýaly kafe-de bar. Elbetde, amatly oýun meýdançasynyň hem boljagy öz-özünden düşnükli» — diýip, Garrylar öýüniň direktory Gondo Kimiýe gürrüň berýär.
