Serb türgeni Nowak Jokowiç Professional tennisçileriň assosiasiýasynyň (ATP) Turinde geçen Jemleýji turnirinde norwegiýaly türgen Kasper Ruuddan üstün çykdy.
Duşuşyk 7:5, 6:3 hasap bilen tamamlandy.
ATP-niň reýtinginde Jokowiç sekizinji orunda durýar, Ruud bolsa dördünji ýeri eýeleýär.
Serb tennisçisi ATP-niň Jemleýji turnirlerinde gazanan titullarynyň sany boýunça şweýsariýaly türgen Rojer Federeriň rekordyny gaýtalady, ol ýaryşda altynjy gezek ýeňipdi. Amerikaly türgen Pit Sampras bilen çeh türgeni Iwan Lendl hersi bäş gezekden turniriň ýeňijileri boldular.
ATP-niň Finals-2022 baýrak gaznasy rekord 14 mln 750 müň dollardan ybarat. Ondan Jokowiçe ýeňiji hökmünde 4 mln 740 müň 300 dollar ýetdi. Munda turnirde ýeňlişiniň ýokdugynyň bonusy göz öňünde tutulan. Ýogsam, türgen 2 mln 200 müň dollar töweregi pul almaly bolardy.
