Şu gün, 20-nji noýabrda futbol boýunça Dünýä çempionatynyň ilkinji duşuşygynda Katar Ekwadoryň ýygyndysy bilen duşuşdy. Duşuşyk El-Hauredäki «El-Baýt» stadionynda oýnaldy we ekwadorlylaryň peýdasyna 2:0 hasap bilen tamamlandy.
22-nji Dünýä çempionatynyň ilkinji duşuşygynda Enner Walensiýa dubl etdi (16-njy min., pen., 31-nji min.). Ynamly ýeňşi mynasybetli Ekwador öz toparynda (A) 3 utuk bilen birinji orna geçdi, Katar bolsa dördünji ýere düşdi.
Futbol baýramçylygy ýaňy başlandy. TmCars.info okyjylaryny futbol duşuşyklarynyň netijeleri hem-de olardaky gyzykly täzelikler bilen yzygiderli tanyşdyryp durar.
Ertir, 21-nji noýabrda şu duşuşyklar geçiriler (Aşgabat wagty bilen):
| Topar | Sene, wagty | Duşuşyklar |
| B topar | 21.11.2022 18:00 | Angliýa – Eýran |
| A topar | 21.11.2022 21:00 | Senegal – Niderlandlar |
| B topar | 21.11.2022 00:00 | ABŞ – Uels |
