Absolýut söweş çempionaty (UFC) resmi Telegram kanalynda ýeňil agramda guramanyň çempiony titulynyň eýesi, garyşyk stiliň (MMA) russiýaly söweşijisi Islam Mahaçew bilen ýarym ýeňil diwizionda çempion hem-de agram kategoriýasyna garamazdan UFC-niň reýtinginiň lideri awstraliýaly Aleksandr Wolkanowskiniň arasynda söweş geçiriljekdigini habar berdi. Muny rsport.ria.ru ýetirýär.
Söweş 2023-nji ýylyň 12-nji fewralynda Awstraliýanyň Pert şäherinde UFC 284 turniriniň çäginde geçiriler.
22-nji oktýabrda Mahaçew Abu-Dabide geçirilen UFC 280 turnirinde braziliýaly Çarlz Oliweýrany möhletinden ir ýeňip, ýeňil agramda promouşeniň täze çempiony boldy. Oliweýra bilen bolan söweşden soň UFC-niň ýeňil agramda öňki çempiony Habib Nurmagomedow Wolkanowskä Mahaçew bilen söweşmegi teklip etdi. Awstraliýaly türgen Nurmagomedowyň çagyryşyny kabul etdi.
Ýeňiş gazanan halatynda Wolkanowski promouşeniň taryhynda bäşinji iki agramdaky çempion bolar. Öň bu üstünlige Konor Makgregor, Deniel Kormýe, Amanda Nunis we Genri Sehudo ýetmegi başarypdy.
