Amerikanyň Apple korporasiýasynyň bazar bahasy oktýabr aýynda ABŞ-da puluň hümmetiniň gaçyşynyň haýallamagy sebäpli, penşenbe güni rekord 191 mlrd dollara çykdy. Bu barada anna güni Business Insider portaly habar berdi.
Portalyň görkezişi ýaly, kompaniýanyň paýnama kapitalynyň bahasynyň şeýle çalt, bir günüň içinde 8,9% ýokarlanmagyna, inflýasiýa hakyndaky täzelikden hem başga, ABŞ-nyň Federal ätiýaçlyk ulgamynyň göterim goýumynyň ýokarlanyşynyň depgininiň haýallamagy babatda bazaryň gatnaşyjylarynyň tamasy hem täsirini ýetirdi. Korporasiýanyň umumy bazar bahasy onuň "amerikan kompaniýasy üçin bir günki rekord" ösüşiniň netijesinde penşenbe güni 2,3 trln dollardan geçdi, netijede Apple "dünýä biržasynda kotirlenýän iň gymmat firma" boldy diýip, portal takyklaýar.
Penşenbe güni Amerikanyň Zähmet ministrligi ABŞ-da sarp edijileriň bahalary oktýabryň jemleri boýunça ýyl hasabynda aňladylanda 7,7% ýokarlandy. Bir aý mundan öň agzalan görkeziji 8,2% derejesindedi.
Apple 1976-njy ýylyň 1-nji aprelinde Stiw Woznýak we Stiw Jobs tarapyndan esaslandyrylypdy. Kärhanany maliýeleşdirmek üçin Jobs öz awtoulagyny , Woznýak bolsa - gymmat kalkulýatoryny satýar. Bu gün kompaniýa iPhone smartfonlaryny, iPad planşetlerini, iMac kompýuterlerini, MacBook noutbuklaryny we beýleki ýokary tehnologiýaly tehnikalary öndürýär. Ştab-kwartirasy amerikan Kupertinosynda (Kaliforniýa ştaty) ýerleşen korporasiýa dünýäde iň irileriň biri hasaplanýar.
