2023-nji ýylda geçiriljek erkekleriň arasynda boks boýunça dünýä çempionatynyň ýeňijileri 200 müň dollardan alar. Bu barada Halkara boks assosiasiýasynyň (IBA) prezidenti Umar Kremlew aýtdy diýip, sport-interfax.ru belleýär.
Onuň bellemegine görä, umumy baýrak gaznasy rekord derejeli bolar.
“Taryhda ilkinji gezek biziň rekord derejeli – 5,2 mln dollar möçberinde baýrak gaznamyz bolar. Birinji ýer üçin baýrak 200 müň dollara, ikinji ýer üçin 100 müň dollara, her bir bürünç baýrakçy üçin 50 müň dollara barabar bolar” – diýip, IBA-nyň metbugat gullugy Kremlewiň sözlerini getirýär.
“Daşkentde IBA-nyň erkekleriň arasynda dünýä çempionatynyň iň ýokary derejede geçiriljekdigine, onuň taryhda iň gowularyň biri boljakdygyna ynanýaryn. Men Özbegistanda boldum we boks ýaryşlarynyň nähili gurnalýandygyny gördüm. Ussatlygy we boksa söýgüsi bilen olar köp ýurtlar üçin görelde alarlyk nusga hem bolup bilerdiler. Daşkentde täze çempionlary sylaglamak dabarasyna sabyrsyzlyk bilen garaşýaryn” – diýip, Kremlew belledi.
Ýaryş 1-nji maýdan 14-nji maý aralygynda geçiriler.
