Agyr agram derejesinde boks boýunça dünýäniň absolýut çempiony ukrainaly Aleksandr Usik Bütindünýä boks guramasynyň (WBO) wersiýasy boýunça dünýä çempiony adyny saklap galmak üçin täze zelandiýaly Jozef Parker bilen söweşmeli bolar. Bu barada guramanyň metbugat gullugy habar berdi.
WBO taraplara gepleşik geçirmek üçin 30 gün möhlet berdi. Eger-de Usik täze zelandiýaly boksçy bilen duşuşmakdan ýüz öwürse, onda Halkara boks federasiýasynyň (IBF) guşagynyň eýesi britaniýaly Daniel Dýubuany ýeňip, geçen hepde gaýtadan gazanan absolýut çempion derejesini ýitirer.
33 ýaşly Parker professional boksda 36 ýeňiş (24 nokaut bilen) gazandy we üç gezek ýeňlişe sezewar boldy. Fewral aýynda geçirilen soňky söweşinde ol ikinji raundda Martin Bakoleni nokaut bilen ýeňdi.
Usik ýeňilmän gelýär. Ol 24 ýeňiş gazandy, şolardan 15-si nokaut bilen.
