“Mançester Ýunaýted” kluby 7-nji belgisi we onuň taryhy hakynda makalany çap etdirdi. Material üçin häzirki wagtda 7-lik belgide oýnaýan Ronaldudan, şeýle-de Erik Kantona we Dewid Bekhem ýaly ozalky oýunçylardan interwýu alyndy. Bu barada sports.ru saýty ýazýar.
“Mançesterde bolşy ýaly, tutuş dünýäde-de bu topar üçin 7-lik belginiň mifiki sandygyny bilýärler. Haçan-da, “Mançester Ýunaýted” bilen şertnama baglaşanymda, men ilkibada adamdan dolup duran stadiony görüp örän tolgundym. Janköýerleriň hyjuwy meni haýrana goýdy. Şonda jenap Aleks Fergýuson maňa: “Sen ýedinji belgini alarsyň” diýdi. Bu hiç haçan unudylmajak pursat boldy” diýip, Ronaldu aýdýar.
“Men ýedinji belginiň klubdaky taryhyny bilýärdim, muňa garamazdan, özümi oňat duýdum. Megerem, tejribeli adam we tälimçi bilendir-dä, hut Kriştianunyň şol köýnekçäni geýmelidigini” diýip, ol sözüniň üstüne goşýar.
