Futbol boýunça dünýä çempionatyny kabul edýän ilkinji arap döwleti bolan Katarda ýylyň esasy sport ýaryşyna taýýarlyk işleri tamamlanýar. Bu barada Anadolu agentligi belleýär.
Dohanyň merkezindäki esasy köçeler, binalar we söwda merkezleri baýdaklar we transparantlar, şeýle-de dünýä çempionatyna gatnaşyjy toparlaryň we futbol ýyldyzlarynyň plakatlary bilen bezelipdir.
“Hyjuwly bol, arzuw et, erjel bol, çagyryş et, oýna” ýazgyly plakatlar bolsa hasam ünsi çekýär.
Katar futbol boýunça dünýä çempionatynyň başlanmagyna birnäçe gün galanda ähli zerur taýýarlyk işleriniň we howpsuzlygy üpjün etmek boýunça çäreleriň tamamlanandygyny habar berdi.
Ýurduň hökümeti howpsuzlygy we futbol janköýerleriniň oýunlara we çärelere gatnaşmagyny ýeňilleşdirmek üçin transport hyzmatlaryna, şol sanda Dohanyň metrosyna elýeterliligi üpjün etmek üçin uly tagallalary etdi.
2022-nji ýylyň futbol boýunça dünýä çempionaty 20-nji noýabrdan 18-nji dekabr aralygynda Katarda 32 toparyň gatnaşmagynda geçiriler. Çempionatyň açylyş oýnunda meýdança Kataryň we Ekwadoryň milli ýygyndylary çykar.
