“Apple” Hytaýdaky öz önümçiliklerini Hindistana geçirip başlady. Bu çözgüde diňe bir syýasy ýagdaýlar däl, eýsem, Hytaýda girizilen ýowuz karantin çäklendirmeleri hem täsir edýär.
ferra.ru “Apple” kompaniýasynyň öz taýwanly şertnamalaýyn öndürijisi “Pegatron Corp” bilen “iPhone” toplamak işini Hindistana geçirmek hakynda ylalaşandygyny ýazýar. Çünki ýurtda Premýer-ministr Narendra Modiniň maliýe taýdan düzgünleşdirmek maksatnamasyna giň gerim berildi.
Şeýlelikde, “Pegatron” “Apple” kompaniýasynyň iri üpjün edijisi “Foxconndan” soň, Hindistanda “iPhone” öndürmek boýunça ikinji iri kompaniýa öwrülýär.
Häzirki wagtda “Apple” kompaniýasynyň iri üpjün edijileriniň eýýäm ikisi Hindistanda önümçiligini ýaýbaňlandyrdy. Şunuň bilen birlikde, önümçilik kuwwatlyklaryny “Wistron Corp.” kompaniýasyna geçirmek hem göz öňünde tutulýar.
