Hindistanyň paýtagty Deli şäherini ýaşamak üçin howply bolan duman örtdi. Howanyň hapalanmak derejesi Bütindünýä Saglygy Goraýyş Guramasynyň adaty standartyndan 40 esse ýokarlandy. Bu barada BBC-niň maglumatlaryna salgylanyp, mir24.tv habar berýär.
3-nji noýabrda Delide howanyň PM2,5 derejesi bir kub metrde 588 mikrograma baryp ýetdi. BSGG-niň maslahatlaryna laýyklykda, PM2,5 derejesiniň günlük görkezijisi 15 mikrogramdan geçmeli däl.
Güýzki güýçli dumanyň esasy sebäbi goňşy sebitlerde mekgejöweniň hasylyndan soňky galyndylaryň ýakylmagydyr. Daýhanlar muny ýerleri täze hasyla taýýarlamak üçin edýärler. Mundan başga-da, şäheriň häkimiýetleri howanyň düzümindäki howply bölejikleriň köpelmegini Diwali baýramçylygy bilen baglanyşdyrýarlar. Çünki şol baýramçylykda örän köp möçberde feýerwerkler atylýar.
