Argentinanyň paýtagty Buenos-Aýresde ady rowaýata öwrülen futbolçy Diego Maradonanyň dünýäde iň uly şekili peýda boldy diýip, OTP habar berýär. Suratkeş-monumentalist Martin Ronuň portret işi 14 gatly binany bezedi.
1600 inedördül meýdany tutýan şekil 1990-njy ýylyň dünýä çempionatynyň final oýnunda Argentinanyň ýygyndysy Germaniýanyň topary bilen duşuşanda düşürilen surat boýunça döredildi.
Kartinany döretmek üçin suratkeş we onuň ýedi kömekçisi 800 litr reňk we 25 gün töweregi wagt sarp etdi. Bu Diego Maradonanyň dünýädäki iň uly portretidir: onuň beýikligi — 45 metr töweregi — Nýu-Ýorkdaky Azatlyk heýkeliniň boýy bilen boýdaşdyr.
Maradona 2020-nji ýylda 60 ýaşynyň içinde ýüregi durup ýogaldy. Futbolçy Argentinanyň milli nyşany hasaplanýar.
