Italiýaly türgen Matteo Berrettini Professional tennisçileriň assosiasiasynyň (ATP) 10-17-nji noýabr aralygynda Londonda geçjek Jemleýji turnirine berlen soňky ýollanmanyň eýesi boldy.
Anna güni fransuz türgeni Gael Monfis Parižde geçen "Masters" seriýasynyň turniriniň çärýek finalynda iki setde Kanadanyň wekili Denis Şapowalowdan asgyn geldi (2:6, 2:6). Monfisiň şowsuzlygy zerarly Berrettini, guramanyň Jemleýji turnirine özüniň gatnaşmagyny kepillendirip, ATP-nyň çempionlyk ýaryşynda sekizinji ýerden aşak düşüp bilmez.
Owal WTA-nyň Jemleýji turnirine gatnaşmak hukugyny ispaniýaly türgen Rafael Nadal, serbiýaly türgen Nowak Jokowiç, şweýsariýaly türgen Rojer Federer, russiýaly türgen Daniil Medwedew, awstriýaly türgen Dominik Tim, grek türgeni Stefanos Sisipas we Germaniýanyň wekili Aleksandr Zwerew dagy gazanypdylar.
Gatnaşyjylar iki topara bölünerler, her kwartetden iň oňat iki tennisçi ýarym finala çykar.
ATP-nyň Jemleýji turniri 1970-nji ýyldan bäri geçirilýär, 2019-njy ýylda baýrak gaznasy 9 mln dollar boldy.
Geçen ýylyň ýeňijisi Zwerew hasaplanýar, russiýalylardan Jemleýji turnirde 2009-njy ýylda diňe Nikolaý Dawydenko utupdy.
