Noýabryň aýagynda 2009-njy ýylda çykarylan uniwersal Jaguar X-Type-y auksiona çykarylar. Ulag birinji eýesiniň Ýelizaweta II bolandygy bilen özüne çekýär. Munuň şeýledigini diňe bir hasaba alnyş resminamalary däl, eýsem, şa zenanyň destiň başynda oturan suraty hem tassyklaýar.
13 ýaşly «Ýaguaryň» geçen ýoly köp däl — 116 750 kilometr. Ulaga mydama öz wagtynda hyzmat edilipdir we ýagdaýy diýseň oňat. Suratyndan çen tutsaň, kuzowy we salony agyrdylyp-ynjadylyp ulanylmandygyna şaýatlyk edýär.
Ýapyk ýaşyl uniwersal üç litrlik V6, «awtomatlygy» we doly priwody bilen sazlaşykda juda kuwwatly görnüşde görkezilýär.
Toplumy aňrybaş: tebigy deriden edilen ýagty salon, lýuk, reňkli ekranly we nawigasiýaly multimediýka, klimat we kruiz-kontrol, ýuwujyly ksenon farlar.
Ulag hödürlenilen aňrybaş baha satylar. Şeýle kuzowly, toplumly we ýagdaýdaky X-Type juda seýrek. Hut Beýik Britaniýanyň şa zenanynyňky bolandygy baradaky fakt onuň bahasyny ep-esli galdyrýar.
