Saud Arabystanynyň Saudi Aramco döwlet kompaniýasynyň III çärýekde arassa girdejisi 42,4 mlrd dollar boldy, bu bolsa bir ýyl ozalkydan ($30,4 mlrd) 39,5% köpdür. Bu barada kompaniýa salgylanyp, interfax.ru habar berýär.
Ikinji çärýekde kompaniýa 48,4 mlrd dollar arassa girdeji aldy. Şeýlelik bilen, aprel – iýun aýlaryna çenli görkeziji 12,4% peseldi.
Operasion işden gelýän pul serişdeleri 2021-nji ýylyň üçünji çärýegi bilen deňeşdirilende, 1,5 esse ýokarlanyp, 54 mlrd dollar, boş pul akymy bolsa ýyllyk aňlatmasynda 1,6 esse ýokarlanyp, 45 mlrd dollar boldy.
Saudi Aramco-nyň üçünji çärýekde kapital çykdajylary ikinji çärýege garanyňda 4,2% peselip, 9 mlrd dollar boldy. Ýöne 2021-nji ýylyň üçünji çärýegi bilen deňeşdirilende, ol 19% ýokarlandy.
Üçünji çärýekde uglewodorod önümçiliginiň möçberi bir günde 14,4 mln barrel nebit ekwiwalentine deň boldy (ikinji çärýekde – 13,6 mln bne/g). Geçen ýylyň ýanwar – sentýabr aýlarynda uglewodorod önümçiligi 12,9 mln bne/g barabar boldy.
Saudi Aramco üçünji çärýekde geçen çärýek üçin 18,8 mlrd dollar möçberinde diwidend töledi. Üçünji çärýek üçin kompaniýa 18,8 mlrd dollar tölemegi meýilleşdirýär.
