Maliýe ýylynyň birinji ýarymynda (30-njy sentýabrda tamamlandy) Ýaponiýanyň Sony korporasiýasy arassa girdejisini 13,5% artdyrdy, bu hem oňa ýyllyk çaklamasyny gowulaşdyrmaga mümkinçilik berdi. Bu barada interfax.ru habar berýär.
Kompaniýanyň aprel-sentýabr aýlarynda arassa girdejisi bir ýyl ozalky 424,94 mlrd ýena garşy 482,16 mlrd ýena ($3,26 mlrd) boldy. Operasion girdeji 8,8% - 598,5 mlrd ýena bilen deňeşdirilende 651 mlrd ýena çenli ýokarlandy.
Girdeji 9,3% ýokarlanyp, 5,06 trln ýena ýetdi.
Ikinji maliýe çärýeginde Sony arassa girdejisini 24% – bir ýyl ozalky 213,11 mlrd ýena bilen deňeşdirilende 263,96 mlrd ýena çenli ($1,77 mlrd) ýokarlandyrdy. Analitikler ortaça 218,5 mlrd ýena bolmagyny çaklapdylar. Iýul – sentýabr aýlarynda girdeji 16% - 2,752 trln ýena çenli ýokarlandy.
Sony 2023-nji ýylyň mart aýynda tamamlanjak maliýe ýylynyň jemi boýunça arassa girdejiniň 4,8% azalyp, 840 mlrd ýena bolmagyny, girdejiniň bolsa 17% ýokarlanyp, 11,6 trln ýena ýetmegini çaklaýar.
2022-nji ýylyň başyndan bäri kompaniýanyň kapitallaşdyrmasy 30,6% (12,1 trln ýena çenli) azaldy, Nikkei 225 fond indeksi bolsa bary-ýogy 3,9% ýitirdi.
