Pfizer Inc. amerikan farmasewtik kompaniýasy üçünji çärýekde arassa girdejisini 5,7% ýokarlandyrdy, şol bir wagtyň özünde düzedilen görkeziji we girdeji çaklamadan gowy boldy. Bu barada interfax.ru habar berýär.
Kompaniýanyň metbugat relizinde habar berlişi ýaly, iýul – sentýabr aýlarynda onuň arassa girdejisi geçen ýylyň degişli döwründäki 8,146 mlrd dollar ýa-da paý üçin 1,42 dollar bilen deňeşdirilende, 8,608 mlrd dollar ýa-da paý üçin 1,51 dollar boldy. Bir gezeklik faktorlary hasaba almazdan düşewünt paý üçin 1,27 dollardan 1,78 dollara çenli ýokarlandy.
Girdeji 5,8% - bir ýyl ozalky 24,035 mlrd dollardan 22,638 mlrd dollara çenli peseldi. Hünärmenler düzedilen girdejiniň 21,07 mlrd dollar girdejide paý üçin 1,39 dollar derejesinde bolmagyny çaklapdylar.
Pfizer şu ýyl üçin paý üçin düzedilen girdeji baradaky çaklamasyny öň garaşylan 6,3-6,45 dollardan 6,4-6,5 dollara çenli ýokarlandyrdy. Girdejiniň bolsa 99,5-102 mlrd dollar aralygynda bolmagyna garaşylýar.
Soňky üç aýda kompaniýanyň bazar bahasy 6,3%, 266,2 mlrd dollara çenli peseldi.
