Dohada 20-nji noýabrdan 18-nji dekabr aralygynda geçjek turniriň öňüsyrasynda 1-nji noýabrdan Katardaky dünýä çempionatynyň myhmanlaryna konsullyk hyzmatlaryny etmek üçin halkara merkez açylýar diýip, DÇ-nyň guramaçylyk komitetinde mälim edendiklerini RIA Nowosti habar berýär.
«Çäginde 40-dan gowrak daşary ýurt ilçihanasynyň wekillerini ýerleşdirjek merkez janköýerlere Katarda bolan wagtlarynda derwaýys meseleleri çözmäge ýardam berer. Çempionatda milli ýygyndy toparlary çykyş etjek, şeýle-de, has köp janköýerleriň gelmegine garaşylýan 31 ýurduň diplomatik wekilleri bir ýere jemlenişer» — diýip, guramaçylyk komitetinde gürrüň berdiler.
Merkez dünýä çempionaty wagtynda her gün 12 sagatlap işlär.
Bu barada Çempionaty geçirmek we miras boýunça ýokary komitetiň baş sekretarynyň aýdyşy ýaly, «merkez iri halkara çäreler wagtynda konsullyk meseleleri boýunça halkara hyzmatdaşlygyň täze modeli bolup durýar we geljekki çäreleriň guramaçylary üçin nusga bolup biler».
