Google amerikan kompaniýasy Alter startapyny satyn aldy. Ol emeli intellektiň kömegi bilen awatarlary döredýär diýip, “TechCrunch” neşiri habar berýär. Muny incrussia.ru ýetirýär. Şertnamanyň şertleri bilen tanyş bolan çeşme onuň bahasynyň 100 mln dollara barabardygyny habar berdi. Google kompaniýasynyň wekili şertnama baradaky maglumaty tassyklady, ýöne meseläniň maliýe tarapyna teswir bermekden ýüz öwürdi.
Çeşmäniň habaryna görä, şertnama iki aý mundan öň baglaşyldy, ýöne kompaniýa ony aýan etmedi. Muňa garamazdan, Alter-iň käbir top menejerleri Google-y iş orny hökmünde görkezmek bilen LinkedIn profilini üýtgetdiler.
Neşiriň söhbetdeşi bu satyn alşyň IT ägirdine TikTok serwisi bilen bäsleşmäge kömek etjekdigini belleýär.
Alter Facemoji ady bilen işe başlady we programmalara we oýunlara awatarlary ornaşdyrmak üçin plug-and-play tehnologiýalaryny hödürledi. Startap Play Ventures, Roosh Ventures we Twitter ýaly maýadarlardan başlangyç maliýeleşdirme hökmünde 3 mln dollar aldy.
