Hytaýyň iň iri elektromobil öndürijisi BYD ýylyň üçünji çärýeginde öz arassa girdejisiniň, geçen ýylyň degişli döwri bilen deňeşdirilende, 350% artandygyny mälim etdi. Bu barada kompaniýanyň wekillerine salgylanýan Reýter ýazýar. BYD-yň arassa girdejisi bir çärýegiň dowamynda iýul-sentýabr aralygynda 5,72 mlrd ýuana (788,75 mln dollara) ýetdi, başky dokuz aýyň içinde bolsa ol 281% köpeldi diýip, habarda aýdylýar.
Doly elektrikleşdirilen we gibrid BYD awtoulaglarynyň jemi söwdasy 1,2 mln sany boldy, bu bolsa 250% ösüşi görkezýär.
Şonuň bilen birlikde, şol wagt içinde elektromobilleriň segmenti umuman diňe 110% artdy. Hytaý bazary barada aýdylanda bolsa, 2022-nji ýylyň üçünji çärýeginde BYD ol ýerde 258 610 arassa elektromobili ýerledi. Deňeşdirmek üçin aýdylanda, şol döwür içinde Teslanyň tutuş dünýä boýunça netijesi 343 800 sanydyr.
