TrendForce seljeriş kompaniýasy özüniň soňky barlag hasabatynda iPone 14 Pro-nyň söwdasynyň görkezijileriniň gowudygyna garamazdan, puluň hümmetiniň gaçmagy we dünýäniň ykdysady ýagdaýynyň kesgitsizligi smartfonlaryň hatarynyň satuwyna täsirini ýetirip, ýyl hasaby boýunça onuň pese gaçmagyna getirendigini mälim etdi.
Üstesine, üpjünçilik zynjyrynyň deňine birnäçe çeşmesinden owal habar berlen önümçilikdäki gysgaltma diňe bir iPone 14 we iPhone 14 14 Plus-a degişli bolman, eýsem, iPhone 14 Pro Pro/Pro Max-yň hem girýändigini çeşme habar berýär.
Ondan hem başga, şu hepde Apple China-nyň wekilleriniň iPhone 14 Pro-nyň we iPhone 14 Pro Max-yň bahalarynyň resmi onlaýn dükanynda ilkinji gezek arzanladylýandygyny mälim edendikleri habar berilýär.
Apple kompaniýasynyň başlygy Tim Kuk geçen hepde iPhone 14 Pro we iPhone 14 Pro Max smartfonlarynyň öňdebaryjy modellerine bildirilýän ýokary islegi kanagatlandyrmagyň hötdesinden gelip bilmändiklerini mälim etdi.
Täze smartfonlar şeýlebir meşhur welin, hatda kompaniýa iPhone 14 Pro-nyň we iPhone 14 Pro Max-yň ýeterlik mukdaryny öndüribem ýetişmeýär. Şeýle-de, Apple täze şaý böleklerini hem häzirlikçe çäkli iberýär we bu meseläni işjeňlik bilen çözmäge çalyşýar.
