Meta korporasiýasynyň ýolbaşçysy Mark Sukerbergiň baýlygy çärýek hasabatynyň neşir edilmegi esasynda kompaniýanyň paýnamalary ep-esli pese gaçandan soň 11 mlrd dollar azaldy. Bu barada "Forbes" žurnaly habar berdi diýip, TASS belleýär.
Onuň maglumatlaryna görä, indi Sukerbergiň baýlygy 36 mlrd dollara barabar. Telekeçi dünýäniň iň baý adamlarynyň sanawynda 25-nji orundan 29-njy orna düşdi. Žurnal geçip barýan ýyl Sukerberg üçin "gowy bolmady" diýip baha berýär. Pandemiýa döwründe Meta-nyň paýnamalary ep-esli ýokarlanyp, 2021-nji ýylyň sentýabr aýynda iň ýokary derejesine ýetdi. Netijede, Sukerbergiň baýlygy 136,4 mlrd dollara çenli ýokarlandy. Şondan bäri paýnamalaryň bahasy 74% arzanlady, Facebook-y esaslandyryjy bolsa, takmynan, 100 mlrd dollar ýitirdi.
"Financial Times" gazetiniň ýazmagyna görä, Meta 2022-nji ýylyň üçünji çärýeginde gowşak netijeler sebäpli bazar kapitallaşdyrmasynyň 19%-ini ýitirdi. Üçünji çärýekde arassa girdejiniň ýyllyk aňlatmasynda 52%, 4,4 mlrd dollara çenli azalmagy maýadarlaryň kompaniýanyň paýnamalaryň gowşamagy netijesinde 65 mlrd dollardan gowrak azalan paýdarlar kapitalyna gatnaşmakdan "köpçülikleýin gitmegine" getirdi.
