iPhone smartfonlaryny hususy Lightning standartyndaky zarýad portlary bilen enjamlaşdyrýan Apple kompaniýasy ony Ýewropa Bileleşiginiň ýurtlaryna bildirilýän täze talaplara laýyklykda 2024-nji ýyla çenli USB Type-C razýomyna çalyşmagy meýilleşdirýär. Bu barada çarşenbe güni The Wall Street Journal gazeti habar berdi.
Onuň berýän maglumatyna görä, Apple Ýewropa parlamentiniň ÝB-de elektron gurluşlar üçin birmeňzeş zarýad portlaryny girizmek babatyndaky talaplaryna eýermäge taýýardygyny mälim etdi.
"Gürrüňsiz ylalaşmaly bolaýmasak" - diýip, gazet Apple-iň halkara marketing boýunça uly wise-prezidenti Greg Joswiakyň sözlerini getirýär. Şonuň bilen birlikde, kompaniýanyň wekilleri çäklendirmeleriň girizilmegi tehnologiýa sferasynda innowasiýalary ornaşdyrmaga päsgel berjekdigine ynanýarlar diýip görkezilýär.
4-nji oktýabrda Ýewropa Parlamenti ÝB-niň çäginde satylýan zarýad gurluşlarynyň unifikasiýasy hakyndaky kanunyň taslamasyny makullady. Beýannama laýyklykda 2024-nji ýylyň ahyryna çenli ähli ykjam telefonlar, planşetler, foto we wideo kameralar USB Type-C zarýad portlary bilen enjamlaşdyrylmaly. 2026-njy ýylyň ýazyndan başlap bu borçnama noutbuklara hem degişli ediler. Ulanyjylara her gezek elektron dewaýs satyn alanlarynda täze zarýad gurluşyny almak zerur bolmaz, sebäbi olar uniwersal zarýad berijiden peýdalanarlar.
