Audi nemes kompaniýasy 2026-njy ýyldan başlap «Formula-1-de» «Zauber» toparynyň strategik hyzmatdaşy bolar diýip, «patyşalyk ýaryşlarynyň» saýtynda habar berilýär.
Awgust aýynda nemes öndürijisi güýç agregatlary bilen üpjün ediji hökmünde «Formula-1-e» goşuljakdygyny mälim etdi. Audi 2026-njy ýyldan, täze motor reglamenti güýje girende çempionatda çykyş edip başlar. Audi nemes şäheri Noýburgda bazasynda öz güýç agregatyny döreder, ol ýerde eýýäm 120-den gowrak adam taslamanyň üstünde işleýär, «Zauber» bolsa şweýsar Hinwilindäki ştab-kwartirada öz çapyşyk awtoulagyny öndürer. Şeýle-de «Zauber» çapyşyk operasiýalarynyň meýilleşdirilişine we geçirilişine jogap berýär.
«Biziň «Formula-1-däki» iri taslamamyz üçin şeýle tejribeli we başarjaň hyzmatdaşyň tapylanyna juda begenýäris. Öňki hyzmatdaşlygymyzdan çen tutup, ultrahäzirkizaman enjamlary we tejribeli topary bolan Sauber Group bilen bilelikde biz güýçli topary döretjekdigimize ynanýarys» — diýip, «Formula-1-iň» maksatnamasyna jogapkär, Audi-niň edarasynyň agzasy Oliwer Hoffmann mälim etdi.
2023-nji ýyldan soň Alfa Romeo kompaniýasy «Zauber» bilen «Formula-1»-däki hyzmatdaşlygyny tamamlar. Topar 2025-nji ýylyň ahyryna çenli «Ferrari»-niň güýç agregatlaryny ulanmagyny dowam eder.
