Apple kompaniýasy ekranynyň diagonaly 16 dýuým bolan täze iPad-y işläp düzmäge girişýär. Bu barada The Information portaly çeşmelere salgylanyp habar berdi diýip, TASS belleýär.
Onuň maglumatlaryna görä, kompaniýada 2023-nji ýylyň dördünji çärýeginde kompaniýanyň iň uly planşetini hödürläp bileris diýip umyt bildirilýär.
Häzirki wagtda Apple planşetleriniň ekranynyň iň uly diagonaly 12,9 dýuýma ýetýär. Portalyň belleýşi ýaly, häzirki wagtda diagonaly 16 dýuým bolan ekran MacBook üçin iň ýokary ölçegdir. Şeýlelik bilen, meňzeş ölçegli planşeti döretmek önümleriň bu iki hatarynyň arasyndaky tapawudy hasam azaldar.
