«Pari Sen-Žermeniň» argentinaly hüjümçisi Lionel Messi Çempionlar ligasynyň duşuşyklarynda iki gol we iki sany netijeli pas geçiren iň ýaşuly futbolçy boldy diýip, Opta Joe statistiki akkaunty Twitterde habar berdi.
Sişenbe güni H toparyň duşuşygynda «Pari Sen-Žermen» öz meýdançasynda Haýfanyň «Makkabisini» 7:2 hasap bilen ýeňdi.
Şol duşuşykda Messi 19-njy we 45-nji minutlarda gol geçirdi, şeýle hem Neýmara (35) we Karlos Solere (84) netijeli pas berdi. Argentinaly futbolçy bu görkezijini 35 ýaş 123 günde etdi.
