Halkara futbol federasiýasynyň (FIFA) prezidenti Janni Infantino şenbe güni guramanyň baştutanynyň öňde duran saýlawlarynda özüniň ýeňiş gazanjakdygyna ynamynyň bardygyny mälim etdi.
31-nji martda ol guramanyň ýolbaşçysynyň saýlawlaryna öz dalaşgärligini hödürlejekdigini habar beripdi. 23-nji iýunda FIFA-nyň metbugat gullugy saýlawyň geçjek kongresiniň 2023-nji ýylyň 16-njy martynda Kigalide (Ruanda) boljakdygyny yglan etdi.
"Ýeňiş gazanjakdygyma ynanýan, sebäbi tutuş dünýäden goldaw tapýan - diýip, Infantino Oklendde FIFA Geňeşiniň mejlisiniň jemleri boýunça geçen metbugat maslahatynda aýtdy. - Futbol sportuň topar bolup oýnalýan görnüşi, FIFA-nyň öňe gitmegi hem toparyň işine bagly. Munuň üçin bütin dünýä seni goldaýan bolmaly".
Italiýaly Infantino guramanyň prezidentligine 2016-njy ýylyň fewralynda nobatdan daşary kongresde saýlanypdy.
