FIFA-nyň prezidenti Janni Infantino guramanyň geňeşiniň mejlisiniňn jemi boýunça transfer bazarynyň işindäki üýtgeşmeleri bildiriş etdi.
Aýratynam, üýtgeşmeler oýunçylary terbiýeleýän guramalaryň töleglerinden başlanar. Şonuň ýaly-da, FIFA klublaryň arasyndaky tölegleriň açyk-aýdyň bolmagyny gurar.
"FIFA-nyň habar beriş merkeziniň düzgünleri tassyklandy. Biz ony transfer bazarynyň ulgamyny özgertmegiň bir bölegi hökmünde iki ýyl mundan öň döretmekçidik. Transfer bilen bagly ähli tölegler merkezden geçer. Biz oýunçylary terbiýesi bilen meşgullanýan klublaryň öweztöleginden başlarys. Şonuň ýaly klublar tutuş dünýäde bar we olar juda möhüm iş edýärler. Biz ulgamy awtomatlaşdyrmagy karar etdik - professional oýunçynyň öweztölegleri we raýdaşlyk töleglerini hem öz içine alýan her transferi klublara FIFA-nyň habar beriş merkeziniň kömegi bilen awtomatik usulda ýollanar. Bu kiçi klublaryň durmuşyny üýtgeder" - diýip, TASS Infantinonyň sözlerini getirýär.
Täze düzgünler 2022-nji ýylyň 16-njy noýabryndan güýje girýär. Tälim berýän klublar 400 million dollar töweregi hak alarlar, bu bolsa olaryň häzirki gazançlary bilen deňeşdirilende 5 esse köpdür.
