Pekinde geçirilen gyşky Olimpiýa oýunlaryna iki milliarddan gowrak adam tomaşa etdi diýip, Halkara Olimpiýa Komitetiniň (HOK) metbugat gullugy habar berýär.
Guramanyň hasabatyna laýyklykda, bu 2018-nji ýylda Günorta Koreýanyň Phýonçhan şäherinde geçirilen Oýunlara garanyňda, 5% köpdür. Olimpiada döwründe 68 milliondan gowrak täze ulanyjy HOK-yň çeşmelerine girdi. Bellenilişi ýaly, türgenler koronawirusa garşy göreş çärelerini göz öňünde tutup, ýaryşyň guralyşyny halapdyrlar.
“2022-nji ýylda Pekinde geçirilen Olimpiada taryhda iň sanly gyşky Olimpiada boldy. Tutuş dünýä boýunça hyzmatdaşlarymyz bilen ýakyn hyzmatdaşlykda öňkülerdenem has köp material, şol sanda sanly platformalarda rekord möçberli material elýeterli boldy. Iki milliarddan gowrak adamdan ybarat auditoriýaly gyşky Olimpiýa oýunlary häzirem dünýäde iň meşhur sport wakalarynyň biri bolmagynda galýar” – diýip, HOK-yň prezidenti Tomas Bah belledi.
Pekindäki Olimpiýa oýunlary 4 – 20-nji fewralda geçirildi. Medal sanawynda ýeňiji 16 altyn, 8 kümüş we 13 bürünç medala mynasyp bolan Norwegiýanyň milli ýygyndysy boldy.
