Garyşyk stiliň (MMA) russiýaly söweşijisi Islam Mahaçew Absolýut söweş çempionatynda (UFC) möhletinden irki ýeňişleriň sany boýunça braziliýaly Çarlz Oliweýranyň rekordyny täzelemek isleýär. Bu barada RIA Nowosti habar berýär.
Oliweýra bilen Mahaçewiň arasyndaky söweş 22-nji oktýabrda Abu-Dabide geçiriljek UFC 280 turniriniň esasy wakasy bolar. Öň, braziliýaly Mahaçewiň titul söweşinden öň ýeňil diwizionyň ilkinji bäşligindäkileriň biri bilen söweşmelidigini aýtdy. Şeýle-de, ol russiýalynyň UFC 280 turnirindäki söweşi diňe Habib Nurmagomedowyň kömegi bilen gazanandygyny belledi.
“Oliweýranyň özi titul söweşinden öň kim bilen söweşdi? Kimiň mynasypdygy – mynasyp däldigi barada gürlemezden öňinçä, bu soragy özüňe ber. Maňa bu söweşi ýerde tamamlamak gerek, sebäbi Çarlzyň UFC-de finiş sany boýunça rekordy bar. Men bu rekordy almak isleýärin. Men özümiň soňky garşydaşlarymyň ählisini ýeňdim – muny iki günden hem edip biljekdigime ynanýaryn” – diýip, Mahaçew metbugat konferensiýasynda aýtdy.
“Onuň bagtyna, Habib karýerasyny tamamlady. Ol bu guşagy ömründe hiç haçan alyp bilmezdi we çempion hem bolmazdy” – diýip, Mahaçew Oliweýranyň Habib Nurmagomedowy söweşe çagyrmagy bilen bagly soraga jogap bermek bilen belledi.
